തിരുവനന്തപുരം : അർദ്ധരാത്രിയിൽ കഠിനംകുളത്ത് നിന്ന് കാളെയേയും
പോത്തിനെയും കടത്തികൊണ്ടുപോയ
മോഷ്ടാവ് പിടിയിൽ .
ചാന്നാങ്കര സ്വദേശി അഷ്കർ ആണ് പിടിയിലായത്. ചേരമാൻതുരുത്ത് പാലത്തിന് സമീപം നസിമുദ്ധീന്റെ വീടിന് പുറകിലുള്ള ചായ്പ്പിൽ കെട്ടിയിട്ടിരുന്ന പോത്തിനെയും സമീപത്തെ ഷാഹുലിന്റെ കാളയെയുമാണ് ഇയാൾ തിങ്കളാഴ്ച രാത്രി 12യോടെ മോഷ്ടിച്ചുകൊണ്ടുപോയത്. ഇരുമാടുകളെയും കടത്തികൊണ്ടുപോകുന്നത് ചേരാമാൻ തുരത്തിൽ കഠിനംകുളം പഞ്ചായത്ത് പഞ്ചായത്ത് സ്ഥാപിച്ച സി.സി.ടി.വി ക്യാമറയിൽ പതിഞ്ഞിട്ടുണ്ടായിരുന്നു. ഈ ദൃശ്യങ്ങളാണ് കള്ളനെ പിടികൂടാനായത്. കഴിഞ്ഞ മാസം 30നും നസിമിന്റെ ഉടമസ്ഥതയിലുള്ള ഒരു പോത്ത് ഇതേ സ്ഥലത്ത് നിന്നും മോഷണം പോയിരുന്നു. അന്നും കഠിനംകുളം പൊലീസിന് പരാതി നല്കിയിരുന്നു. രണ്ടാമതും മാടുകൾ മോഷണം പോയതോടെ പൊലീസ് സമീപത്തെ സിസിടിവി ദൃശ്യങ്ങൾ പരിശോധിച്ചപ്പോഴാണ് മാടുകളെ കൊണ്ടുപോകുന്നത് അറിയാൻ കഴിഞ്ഞത്. കണ്ടെയ്മെന്റ് സോണായതിനാൽ ആരും പുറത്തിറങ്ങാത്തതിനാൽ മോഷണത്തിന് സൗകര്യമായി. കഠിനംകുളത്ത് ആടുമാടുകളെ മോഷ്ടിക്കുന്നത് പതിവ് സംഭവമാണ്.
