കിളിമാനൂരിൽ ഇടിമിന്നലിൽ നാശനഷ്ടം

കിളിമാനൂർ :കഴിഞ്ഞ ദിവസം ഉണ്ടായ ഇടിമിന്നലിൽ കനത്ത നാശനഷ്ടമുണ്ടായി.പോങ്ങനാട് പുളിമൂട് നമസ്ക്കാര പള്ളിക്ക് സമീപം അൽ നാസിൽ സഫിലിയ ബീവിയുടെ വീടിനും വീട്ടുപകരങ്ങൾക്കും ,കിളിമാനൂർ ചെമ്മരത്തു മുക്ക് എസ് .കെ . ബിൽഡിംഗ്‌സിൽ ബേബിയുടെ വീടിനും വീട്ടുപകരങ്ങൾക്കും ആണ് നാശം സംഭവിച്ചത്.ബുധനാഴ്ച രാത്രി പത്തര മണിയോടെയായിരുന്നു സംഭവം. വീടുകളിലെ മീറ്റർ ബോർഡ് ,ഇലക്ട്രിക് ഇലക്ട്രോണിക് ഉപകാരങ്ങൾ എന്നിവ പൂർണമായി നശിച്ചു. സഫിലിയ ബീവിയും വിദ്യാർത്ഥിയായ മകളും മാത്രമാണ് വീട്ടിൽ താമസം. കിടപ്പുമുറിയ്ക്ക് സമീപത്താണ് ഇടി മിന്നൽ പതിച്ചത് .രണ്ടു പേരും ഉറങ്ങാതെ മുന്നിലെ ഹാളിലായിരുന്നതിനാൽ ആളപായം ഉണ്ടായില്ല .ബേബിയുടെ ഓടിട്ട വീടിന് സമീപത്താണ് ഇടി മിന്നൽ പതിച്ചത് .മേൽക്കൂര തകർന്നു .വീട്ടിലുള്ളവർ അത്ഭുതകരമായി രക്ഷപ്പെടുകയായിരുന്നു.രണ്ടു ലക്ഷം രൂപയുടെ നഷ്ടം സംഭവിച്ചതായി വീട്ടുടമ പറഞ്ഞു .