മലയാളത്തിലെ ആദ്യ ഓണ്‍ലൈന്‍ റിലീസ് അടുത്ത മാസം. വിജയ് ബാബു നിര്‍മ്മിക്കുന്ന സൂഫിയും സുജാതയും ജുലൈ മൂന്നിന് ആമസോണ്‍ പ്രൈമില്‍ റിലീസ് ചെയ്യും. സിനിമയുടെ അണിയറ പ്രവര്‍ത്തകര്‍ ഫേസ് ബുക്കിലൂടെയാണ് ഡിജിറ്റല്‍ റിലീസ് തീയതി പ്രഖ്യാപിച്ചത്.
അദിതി റാവു ഹൈദരിയും ജയസൂര്യയും വേഷമിട്ട സൂഫിയും സുജാതയും നാരാണിപ്പുഴ ഷാനവാസാണ് രചനയും സംവിധാനവും നിര്‍വഹിച്ചിരിക്കുന്നത്. വിജയ് ബാബുവിന്റെ ഫ്രൈഡേ ഫിലിം ഹൗസാണ് നിര്‍മ്മാണം. സൂഫിയും സുജാതയുടെയും ചുവടുപിടിച്ച്‌ റിലീസ് മുടങ്ങിയിരിക്കുന്ന കൂടുതല്‍ ചിത്രങ്ങള്‍ വരും ദിവസങ്ങളില്‍ ഓണ്‍ലൈന്‍ റിലീസിന് ഒരുങ്ങുമെന്നാണ് സൂചനകള്‍.
