കഴക്കൂട്ടം : കഠിനംകുളം പുത്തൻതോപ്പ് പാലത്തിന് സമീപം മദ്യ ലഹരിയിൽ ഉണ്ടായ സംഘർഷത്തിൽ ഒരാൾക്ക് വെട്ടേറ്റു.വെട്ടേറ്റ പുത്തൻത്തോപ്പ് ചിറയ്ക്കൽ സ്വദേശി ഷിയാസിനെ (35) നെ ഗുരുതര പരിക്കുകളോടെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത് .സംഭവുമായി ബന്ധപ്പെട്ടു ഇയാളെ വെട്ടിയ പുത്തൻത്തോപ്പ് ചിറയ്ക്കൽ സ്വദേശി ഷാജി (37)യെ കഠിനംകുളം പോലീസ് പിടികൂടി.പരിക്കുള്ളതിനാൽ ചിറയിൻകീഴ് ആശുപത്രിയിൽ പ്രവേശിപ്പിച്ചു .ഞായറാഴ്ച രാത്രി 9.30 ഓടെയായിരുന്നു സംഭവം.നേരത്തെ ഉണ്ടായ അടിപിടിയെ തുടർന്നുള്ള മുൻവൈരാഗ്യമാണ്‌ ആക്രമണത്തിന് പിന്നിലെന്നു പോലീസ് പറഞ്ഞു.തുടർന്ന് രാത്രി 10.15 ഓടെ ഷാജിയുടെ വീട്ടിന് മുൻപിൽ പാർക്ക് ചെയ്തിരുന്ന കാർ ഒരു സംഘം ആൾക്കാർ തീയിട്ടു.കഠിനംകുളം പോലീസ് ഇവിടെ ക്യാമ്പ് ചെയ്യുന്നു.
