തിരുവനന്തപുരം: നിലമേലില്‍ നടന്ന വാഹനാപകടത്തില്‍ ഒരാള്‍ മരിച്ചു. പുതുശ്ശേരി ജങ്ഷനു സമീപം ഇടമുളക്കല്‍ ഗ്രാമപഞ്ചായത്തിന്റെ വാഹനവും സ്വകാര്യ വാഹനവും തമ്മില്‍ കൂട്ടിയിടിക്കുകയായിരുന്നു. തെറ്റി മുക്ക് സ്വദേശി സുനിലാണ് (32). വൈകുന്നേരം ആറര മണിയോടെയായിരുന്നു സംഭവം.സുനിലിനെ ഗുരുതര പരിക്കുകളോടെ വെഞ്ഞാറമൂട് സ്വകാര്യ മെഡിക്കല്‍ കോളജില്‍ എത്തിച്ചപ്പോഴേക്കും മരണപ്പെട്ടിരുന്നു. കാറില്‍ നാലു യാത്രക്കാരാണ് ഉണ്ടായിരുന്നത്. തെറ്റിമുക്ക് സ്വദേശിയായ വിനീതിന് വാരിയെല്ലിനും മറ്റും ഗുരുതര പരിക്കേറ്റിട്ടുണ്ട്. വിനീതിനെ തിരുവനന്തപുരം മെഡിക്കല്‍ കോളജില്‍ തീവ്രപരിചരണ വിഭാഗത്തില്‍ പ്രവേശിപ്പിച്ചിട്ടുണ്ട്. മറ്റ് രണ്ട് യാത്രക്കാരായ വിഷ്ണുവിനെയും അജിലിനെയും നിസ്സാര പരുക്കുകളുണ്ട്. ഇവര്‍ കടയ്ക്കല്‍ താലൂക്ക് ആശുപത്രിയില്‍ ചികില്‍സയിലാണ്.
