നെടുമങ്ങാട് : കാര്‍ ഇടിച്ച്‌ സൈക്കിള്‍ യാത്രക്കാരനായ മലയാളി റിയാദിന് സമീപം മരിച്ചു. ഹുത്ത സുദൈറില്‍ ബുധനാഴ്ച വൈകീട്ടുണ്ടായ സംഭവത്തില്‍ തിരുവനന്തപുരം നെടുമങ്ങാട് സ്വദേശി അബ്ദുല് മജീദ് (45) ആണ് മരിച്ചത്. ഇവിടെ ഒരു കല്യാണമണ്ഡപത്തില്‍ (ഇസ്തിറാഹയില്‍) ആയിരുന്നു ജോലി.
അബ്ദുറഷീദ്, ഫാത്വിമ ബീവി ദമ്ബതികളുടെ മകനാണ്. ഭാര്യ: ഷീജ. മക്കള്‍: അജ്മല്‍ (18), അമീന (18). സൗദിയില്‍ തന്നെ ഖബറടക്കാനുള്ള പ്രവര്‍ത്തനങ്ങള്‍ക്ക് റിയാദ് കെ.എം.സി.സി മലപ്പുറം ജില്ലാ വെല്‍ഫെയര്‍ വിങ് ചെയര്‍മാന്‍ റഫീഖ് മഞ്ചേരിയും ജനറല്‍ കണ്‍വീനര്‍ ശറഫ് പുളിക്കലും നേതൃത്വം നല്‍കുന്നു.
