പോത്തൻകോട് കാരുണ്യ ബഡ്സ് സ്കൂളിലെ വാഹനത്തിൽ നിന്ന് മ്യൂസിക് സിസ്റ്റം മോഷ്ടിച്ച യുവാവ് അറസ്റ്റിൽ

പോത്തൻകോട്: പഞ്ചായത്തിലെ  വേങ്ങോട് പ്രവർത്തിക്കുന്ന  കാരുണ്യ ബഡ്സ് സ്കൂളിലെ മ്യൂസിക് സിസ്റ്റം മോഷ്ടിച്ച യുവാവ് അറസ്റ്റിൽ. വേങ്ങോട് ഗോകുലത്തിൽ ആരോമൽ (18) നെയാണ് പോത്തൻകോട് പോലീസ് അറസ്റ്റ് ചെയ്തത്.  21നാണ് കേസിന് ആസ്പതമായ സംഭവം. ക്രിസ്മസ് കരോൾ ആഘോഷങ്ങൾക്കിടയിൽ വേങ്ങോട് പ്ലബ്ലിക് ഹെൽത്ത് സെന്റിറിന് സമീപം പാർക്ക് ചെയ്തിരുന്ന വാഹനത്തിൽ നിന്നാണ് പത്തിനായിരം രൂപ വിലമതിപ്പുള്ള മ്യൂസിക് സിസ്റ്റം മോഷണം നടത്തിയത്. സ്കൂൾ അധികൃതർ നൽകിയ പരാതിയിൽ പോത്തൻകോട് സി ഐ സുജിത്തിന്റെ നേത്വത്തിൽ പോലീസ് സംഘമാണ് കഴിഞ്ഞ ദിവസം പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.