കഴക്കൂട്ടം: അന്തർ സംസ്ഥാന സർവീസ് നടത്തുന്ന കല്ലട ബസ് ഓടിച്ച ഡ്രൈവർ മദ്യലഹരിയിൽ ടെക്നോപാർക്കിന് സമീപം വെച്ച് രണ്ട് കാറുകളിലിടിച്ച് തകർത്തു.ഇന്നലെ വൈകുന്നേരം 6-30 ഓടെ ടെക്നോപാർക്കിന് സമീപമാണ് സംഭവംതിരുവനന്തപുരത്ത് നിന്നും ബംഗ്ളുരുവിലേക്ക് പോയ കല്ലട ബസ്സാണ് ടെക്നോപാർക്കിന്റെ പ്രധാന കവാടത്തിന് സമീപം അപകടമുണ്ടാക്കിയത്.ആദ്യം സ്വകാര്യ ആശുത്രിയിൽ പോയ കാറിനെയാണ് ഇടിച്ചത്.
രോഗിച്ചെ അടിയന്തരമായി ആശുപത്രിയിലെത്തിക്കേണ്ടതിനാൽ പോലീസിൽ പരാതി കൊടുക്കാതെ പോയി.
തുടർന്ന് നിയന്ത്രണം വിട്ട ബസ് ടെക്നോപാർക്കിന് സമീപം വെച്ച് പാസ്പോർട്ട് ഓഫീസിൽ പോയി മടങ്ങിയ ഓയൂർ സ്വദേശി നജീബിന്റെ കാറിന്റെ പിൻഭാഗം ഇടിച്ചു തകർക്കുകയായിരുന്നു. കാറിൽ നജീബിന്റെ ഭാര്യയും ഒന്നും രണ്ടും വയസ്സുള്ള കുട്ടികളുണ്ടായിരുന്നു. കാറിന്റെ പിൻഭാഗം ഇടിച്ച് തകർത്തെങ്കിലും ആർക്കും പരിക്കില്ല. സംഭവം കണ്ടയാത്രക്കാർ ബസ് തടഞ്ഞിട്ടു.തുടർന്ന് കഴക്കൂട്ടം പോലീസ് ബസ്സും ഡ്രൈവറിനേയും സ്റ്റേഷനിലെത്തിച്ചു.പരിശോധനയിൽ പാലക്കാട് സ്വദേശിയായ ഡ്രൈവർ കൃഷ്ണൻകുട്ടി (48) മദ്യപിച്ചതായി കണ്ടെത്തിയെന്നും ഇയാൾക്കെതിരെ കേസ് എടുത്തെന്നും കഴക്കൂട്ടം പോലീസ് അറിയിച്ചു.
