കല്ലമ്ബലം: പ്രായ പൂര്‍ത്തിയാകാത്ത പെണ്‍കുട്ടിയെ പ്രണയം നടിച്ച്‌ തട്ടിക്കൊണ്ടുപോയി ഒളിവില്‍ താമസിച്ച കേസില്‍ പ്രതിയായ യുവാവ് അറസ്റ്റില്‍. പാലക്കാട് പട്ടാമ്ബി പൂവക്കോട് ഇട്ടിലത്തൊടി വീട്ടില്‍ അന്‍ഷാദ് (25) ആണ് അറസ്റ്റിലായത്. പെണ്‍കുട്ടിയുടെ വീടിന് എതിര്‍വശത്ത് ആക്രിക്കട തുടങ്ങാനെന്ന വ്യാജേന കടമുറി വാടകയ്‌ക്കെടുത്ത പ്രതി. പെണ്‍കുട്ടിയുടെ പിതാവുമായി ചങ്ങാത്തത്തിലാകുകയും .തുടര്‍ന്ന് പെണ്‍കുട്ടിയെ വശീകരിച്ചു കടത്തിക്കൊണ്ട് പോകുകയുമായിരുന്നു എന്നാണ് പരാതി.
വിവാഹം കഴിക്കാമെന്ന് വിശ്വസിപ്പിച്ച്‌ ആറ്റിങ്ങല്‍ കെ.എസ്.ആര്‍.ടി.സി ബസ് സ്റ്റാന്‍ഡില്‍ പെണ്‍കുട്ടിയെ വിളിച്ചുവരുത്തിയ അന്‍ഷാദ് അവിടെനിന്ന് പെണ്‍കുട്ടിയെ ചെന്നെയിലെത്തിച്ച്‌ ഒളിച്ചു താമസിച്ചു. അവിടെനിന്ന് പാലക്കാട്ടേക്ക് പോകും വഴിയാണ് അറസ്റ്റിലായത്.
മൊബൈല്‍ ടവര്‍ ലൊക്കേഷന്‍ കേന്ദ്രീകരിച്ച്‌ കല്ലമ്ബലം പൊലീസ് നടത്തിയ അന്വേഷണത്തില്‍ ലഭിച്ച വിവരങ്ങള്‍ പട്ടാമ്ബി പൊലീസിന് കൈമാറുകയും ഇരുവരെയും കണ്ടെത്തിയ ശേഷം പൊലീസ് അവിടെ തടഞ്ഞുവയ്ക്കുകയും ആയിരുന്നു. ജില്ലാ പൊലീസ് മേധാവി അശോകന്റെ നിര്‍ദ്ദേശപ്രകാരം കല്ലമ്ബലം പൊലീസ് ഇന്‍സ്പെക്ടര്‍ ഫറോസ്. ഐ,സബ് ഇന്‍സ്പെക്ടര്‍ നിജാം, എസ്.സി.പി.ഒ സുരാജ്, സനില്‍കുമാര്‍ എന്നിവരാണ് പ്രതിയെ അറസ്റ്റു ചെയ്തത്.
