ഇന്ത്യയിലെ ഏറ്റവും മികച്ച ഡാന്‍സ് കൊറിയോഗ്രാഫറില്‍ ഒരാളായ ബ്രിന്ദ ആദ്യമായി സംവിധാനം ചെയ്യുന്ന ചിത്രത്തിൽ ദുൽഖർ സൽമാൻ നായകനായി എത്തുന്നു എന്ന റിപ്പോർട്ടുകളാണ് ഇപ്പോൾ ലഭിക്കുന്നത്. തമിഴ് ,ഹിന്ദി ഭാഷകളിലായി നൂറോളം ചിത്രങ്ങളിൽ ബ്രിന്ദ പ്രവർത്തിച്ചിട്ടുണ്ട്. ചിത്രത്തെ പറ്റിയുള്ള മറ്റു വിവരങ്ങളൊന്നും ഇതുവരെ പുറത്തുവിട്ടിട്ടില്ല.
അനൂപ് സത്യനൊപ്പമുള്ള ഒരു ചിത്രത്തിന്റെ തിരക്കിലാണ് ദുൽഖർ സൽമാൻ ഇപ്പോൾ. ശോഭനയും സുരേഷ് ഗോപിയും വീണ്ടും ഒന്നിച്ച് എത്തുന്ന ഈ ചിത്രത്തിൽ കല്യാണി പ്രിയദർശനും ഒരു പ്രധാന വേഷത്തിൽ എത്തുന്നുണ്ട്. ഈ ചിത്രം നിർമ്മിക്കുന്നത് ദുൽഖർ സൽമാനാണ്. അതോടൊപ്പം ജോയി മാത്യു സംവിധാനം ചെയ്യുന്ന കുറുപ്പ് എന്ന ചിത്രത്തിലും ദുൽഖർ സൽമാൻ അഭിനയിക്കുന്നുണ്ട്.