തിരുവനന്തപുരം: യൂണിവേഴ്സിറ്റി കോളേജിൽ വീണ്ടും സംഘർഷം. കെ.എസ്.യു എസ്.എഫ്.ഐ പ്രവർത്തകർ തമ്മിൽ കല്ലേറ്. യൂണിവേഴ്സിറ്റി കോളേജിലേക്ക് പ്രകടനവുമായെത്തിയ കെ.എസ്.യു. പ്രവര്‍ത്തകരെ എസ്.എഫ്.ഐ. പ്രവര്‍ത്തകര്‍ നേരിട്ടതോടെയാണ് സംഘര്‍ഷം ഉടലെടുത്തത്. സംഘർഷത്തിൽ കെ.എസ്.യു സംസ്ഥാന പ്രസിഡിന്റ് കെ.എം അഭിജിത്തിന് പരിക്കേറ്റു. തടിക്കഷണം കൊണ്ട് എസ്.എഫ്.ഐ പ്രവർത്തകർ അടിച്ചെന്ന് അഭിജിത്ത് പറഞ്ഞു. സ്ഥലത്ത് സംഘര്‍ഷാവസ്ഥ തുടരുകയാണ്.
കഴിഞ്ഞ ദിവസം കോളജിലെ കെ.എസ്.യു യൂണിറ്റ് ഭാരവാഹിയും രണ്ടാം വർഷ എംഎ വിദ്യാർത്ഥിക്ക് യൂണിവേഴ്സിറ്റി ഹോസ്റ്റലിൽ വച്ച് മർദ്ദനമേറ്റിരുന്നു.
സംഭവത്തിന് പിന്നാലെ വിദ്യാർത്ഥിയെ മര്‍ദ്ദിക്കുന്നതിന് മുമ്പ് കൊല്ലുമെന്ന് ഭീഷണിപ്പെടുത്തുന്ന ദൃശ്യങ്ങളും പുറത്ത് വന്നിരുന്നു.
