വെഞ്ഞാറമൂട് : വട്ടപ്പാറ വേങ്കോട് സ്വദേശി മധ്യവയസ്കയെ പെട്രോള്‍ ഒഴിച്ച്‌ കത്തിക്കാന്‍ ശ്രമിച്ച യുവാവ് അറസ്റ്റില്‍. പുതുക്കുളങ്ങര അഫ്സല്‍ മന്‍സില്‍ വാണ്ടൈക്കോണത്തു താമസിക്കുന്ന നൗഷാദി (42)നെയാണ് വട്ടപ്പാറ എസ്‌ഐ ജെ.എസ് .അശ്വനിയുടെ നേത്യത്വത്തിലുള്ള പോലീസ് സംഘം പിടികൂടിയത്.28 ന് രാത്രി 11നാണ് കേസിനാസ്പദമായ സംഭവം. ഒറ്റയ്ക്ക് താമസിച്ചിരുന്ന മധ്യവയസ്കയുടെ വീട്ടിനുള്ളില്‍ നൗഷാദ് അതിക്രമിച്ച്‌ കയറി. തുടര്‍ന്ന് മധ്യവയസ്കയെ അക്രമിച്ച്‌ പെട്രോള്‍ ഒഴിച്ച്‌ കൊലപ്പെടുത്താന്‍ പ്രതി ശ്രമിച്ചെന്ന് പോലീസ് പറഞ്ഞു. രാത്രികാല പരിശോധന നടത്തിയ പോലീസ് ഉദ്യോഗസ്ഥരുടെയും നാട്ടുകാരുടെയും സഹായത്താലാണ് മധ്യവയസ്കയെ രക്ഷിക്കാനായത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
വട്ടപ്പാറയിൽ വീട്ടിൽ കയറി സ്ത്രീയെ പെട്രോള്‍ ഒഴിച്ച്‌ കത്തിക്കാന്‍ ശ്രമം: യുവാവ് അറസ്റ്റില്‍
