തിരുവനന്തപുരം: മാധ്യമപ്രവര്‍ത്തകയുടെ വീട്ടില്‍ അതിക്രമിച്ചു കയറി സദാചാര പോലീസ് ചമഞ്ഞ് ആക്രമിച്ചു എന്ന കേസില്‍ തിരുവനന്തപുരം പ്രസ് ക്ലബ് സെക്രട്ടറി എം. രാധാകൃഷ്ണനെ പോലീസ് അറസ്റ്റ് ചെയ്തു. കന്‍റോണ്‍മെന്‍റ് അസിസ്റ്റന്‍റ് കമ്മീഷണറുടെ നേതൃത്വത്തില്‍ പോലീസ് പ്രസ് ക്ലബിലെത്തിയാണ് രാധാകൃഷ്ണനെ അറസ്റ്റ് ചെയ്തത്. തുടര്‍ന്നു രാധാകൃഷ്ണനെ പേട്ട പോലീസ് സ്റ്റേഷനിലേക്കു കൊണ്ടു പോയി. രാധാകൃഷ്ണന്‍ ഉള്‍പ്പെടെയുള്ളവര്‍ക്കെതിരേ വനിതാ കമ്മീഷന്‍ സ്വമേധയാ കേസെടുത്തു. കമ്മീഷന്‍ അധ്യക്ഷ എം.സി. ജോസഫൈന്‍റെ നിര്‍ദേശ പ്രകാരമാണു നടപടി. സംഭവങ്ങളുടെ നിജസ്ഥിതി അന്വേഷിച്ച്‌ വിശദമായ റിപ്പോര്‍ട്ട് നല്‍കാന്‍ സിറ്റി പോലീസ് കമ്മീഷണറോടു നിര്‍ദേശിക്കും.പ്രസ് ക്ലബ് സെക്രട്ടറി രാധാകൃഷ്ണന്‍റെ രാജി ആവശ്യപ്പെട്ടു വനിതാ മാധ്യമപ്രവര്‍ത്തകര്‍ പ്രസ് ക്ലബില്‍ പ്രതിഷേധം ഉയര്‍ത്തിയിരുന്നു. രാധാകൃഷ്ണനെ അറസ്റ്റ് ചെയ്തു കൊണ്ടു പോയതിനു ശേഷമാണ് ഇവര്‍ പ്രതിഷേധം അവസാനിപ്പിച്ചത്
സദാചാര പോലീസ് ചമഞ്ഞ് ആക്രമണം തിരുവനന്തപുരം പ്രസ് ക്ലബ് സെക്രട്ടറി രാധാകൃഷ്ണനെ അറസ്റ്റ് ചെയ്തു
Previous Post
