വെഞ്ഞാറമൂട് : വെഞ്ഞാറമൂട്ടിൽ നിർത്തിയിട്ട ശേഷം പിന്നോട്ട് നീങ്ങിയ പിക്കപ്പ് വാൻ ഇടിച്ചു ഡ്രൈവർ മരിച്ചു. . വെഞ്ഞാറമൂട് പേരുമല പണ്ടാരത്തോട് തിരുവോണത്തില്‍ സുജിത്(34)ആണ് മരിച്ചത്. ഇന്ന് വൈകുന്നേരം നാല് മണിയോടെ നെല്ലനാട് ഭൂതമടക്കി പ്ലാപ്പെട്ടിയില്‍ വച്ചായിരുന്നു അപകടം . പേരുലയില്‍ നിന്നും സിമന്റും താബൂക്കും കയറ്റിയെത്തിയ പിക്കപ്പിലെ ഡ്രൈവറായിരുന്നു സുജിത്. കയറ്റം കയറുമ്പോൾ നിന്നുപോയ പിക്കപ്പില്‍ നിന്നിറങ്ങുകയും വാഹനം മുകളിലെത്തിക്കുന്നതിനുള്ള സാധ്യതകൾ പരിശോധിക്കുകയായിരുന്നു സുജിത്. ഇതിനിടെ പിക്കപ്പ് പിന്നോട്ട് നീങ്ങി. ഇത് കണ്ട് സുജിത് പുറത്ത് നിന്ന് വാഹനം ബ്രേക്കിട്ട് നിര്‍ത്താന്‍ ശ്രമിച്ചെങ്കിലും ഈ ശ്രമം വിജയിച്ചില്ലന്നു മാത്രമല്ല പിക്കപ്പ് കുഴിയിലേക്ക് മറിഞ്ഞു. സംഭവ സ്ഥലത്തു തന്നെ ഡ്രൈവർ മരിച്ചു. വെഞ്ഞാറമൂട് പോലീസ് സ്ഥലത്തെത്തി മൃതദേഹം സമീപത്തെ സ്വകാര്യ മെഡിക്കല്‍ കോളേജ് മോര്‍ച്ചറിയിലേക്ക് മാറ്റി.
ഭാര്യ: അനില.മക്കള്‍: അക്ഷര, ആദി, അബി
വെഞ്ഞാറമൂട്ടിൽ നിർത്തിയിട്ട ശേഷം പിന്നോട്ട് നീങ്ങിയ പിക്കപ്പ് വാൻ ഇടിച്ചു ഡ്രൈവർ മരിച്ചു.
